Den største høgtid her på jord

Den største høgtid her på jord
Er den eg held ved Herrens bord,
Der Jesus bed meg vera gjest,
For der eg er hans hjarta nest.

Når eg med Jesus nattverd held,
Eg minnast må den store kveld
Då han med sine vener sat
Og vigde inn den himmelmat.

Den kveld han brødet til dei braut,
Dei Herrens eigen lekam naut.
Då vinen han i kalken slo,
Gav han dei sjølv sitt dyre blod.

Det var den kveld han siste gong
Den store lovsong med dei song -
Den siste gong til over sky
Han halda skal sin nattverd ny.

Den kveld hans kjærleik mot oss brann
Så varmt som ingen elska kan,
Og oss til minnegåve god
Han gav sin lekam og sitt blod.

Så kom då, Kristi kyrkjelyd,
Og tak den gåva han deg byd!
Kom her og tak av Jesu hand
Det livsens brød i dødens land.

For her ved Herrens nådebord,
Her eig me himmerik på jord,
Her Jesus ved Guds høgre hand
Med oss går inn i broderband.

Guds himmel han til jordi dreg
Og gjer frå jordi himmelveg.
Hans kjærleik møtest med di tru,
Han er i deg, i honom du.

Så kjem eg til ditt altar her,
Endå eg sjølv uverdig er. Å
Jesus, gjer meg verdig du,
Så hit eg kjem med hjartans tru!

Her kjem eg som ein syndar arm,
Med syndesorg i såra barm,
Med trong og tru i hjarterot
Hjå deg eg søkjer sælebot.

Så signe du min altargang!
Lat meg få kvila i ditt fang,
Til eg får fylgja deg frå jord
Til nattverd ny i him- melkor.