Så elska Gud oss

Så elska Gud oss at han gav sin kjære
Son til kross og grav,
At ikkje me skal døden sjå,
Men evig liv ved honom få.

Når du Guds kjærleik grant vi sjå,
Til Golgata du fara må,
Der Jesus til si pine skrid
Og sårt for våre synder lid.

Han går til spott og slag og sår,
Til dauden dømd for mingjerd vår.
Han går så bøygd og ber sin kross
Til liv og lækjedom for oss.

Du sol som renn med gyllen glans,
Er skuggen lik mot ljoset hans.
Og endå morket honom batt
Ei liti stund i helheims natt.

Å kjærleik, glimande som gull,
Å nådens løyndom underfull!
Du lyser gjennom dødens naud
Som glimestein med loge raud.

Så står eg still ved krossens tre
Og fell med hjartans gråt på kne,
Eg ser mi synd så stor og fæl,
Men kjærleik din så søt og sæl.

Eg er di åsyn engleblid,
Der bleik og blødande du lid.
Eg ser ditt auga slokna ut,
Då græt eg sårt i hjartesut.

Eg ser deg der for oss du bed,
Eg ser ditt hovud luta ned,
Eg ser deg døy med heilagt mot,
Då må velhjarta gråta blod.

Å kjærleik, kjærleik, lat meg då
Ditt ljos i livsens mørker sjå,
Og når så kjem mi siste stund,
Så lys meg inn i sælan blund!