Å ver hjå meg

Å ver hjå meg, for no er kvelden nær,
Og snart det mørknar, Herre, hjå meg ver!
Når all mi hjelp og trøyst har flytt sin veg,
Du hjelp for hjelpelause, ver hjå meg!

Kor snøgt han dalar, livsens stutte dag,
Og jordlivs gleda med sitt tome jag!
Omskifte ser eg kring på all min veg.
Å du som ei vert omskift, ver hjå meg!

Kvar time treng eg til di sterke vakt,
For nåden din må vika mørkers makt.
Du er min hyrding og min trygge veg,
I skodda og i solskin ver hjå meg!

Kvi ottast meir når du meg signar mildt?
Gråt er 'kje beisk, og sår gjer ikkje ut.
Kvar er no brodden din, du død? spør eg,
Siger eg vinn, min
Jesus er hjå meg.

Syn meg din kross når augomine brest,
Lys meg til himlen når det mørknar mest!
Sjå, morgonrøden skin alt på min veg,
I liv og død, å
Herre, ver hjå meg!