Aldri Gud sitt folk kan gløyma

Aldri Gud sitt folk kan gløyma,
Aldri fell hans lovnad bort:
Livsens kjelder rikt skal strøyma
I eit land så audt og turt.
Vinter skal for vårsol røma,
Sarons liljer vent skal bløma.

Herre Gud, ditt folk du kalle,
Lat det ei i mørker gå!
Send din kjærleiks ord til alle,
Så dei sannings veg kan sjå,
Krossens ljos for dei lat stråla,
Kristi kjærleik for dei måla!

Mange no i utlegd lider,
Løys dei, Gud, or trældoms band!
Send ditt folk hugvendings tider,
Før det heim til lovnads land!
Gud, lat snart ditt rike koma,
Lat i Sion lovsong ljoma!