Din herlegdom, Frelsar, me undrande ser

Din herlegdom, Frelsar, me undrande ser,
For glansen av Gud i di åsyn du ber,
Guds Son, du åleine,
Den heilage, reine,
Av sanning og nåde i ord og i gjer,
Av æveleg kjærleik så lyser di ferd.

Som havstraumen varm imot isheimen bryt,
Din kjærleik, min Frelsar, til livet vårt flyt,
Så vinteren rømer,
Og hjarto dei blømer
Og opnar sitt beger mot sol og mot vår
Og tirlar som lerka mot vårhimmel klår.

Å, send oss din Ande i hustrande sinn
Og fyll våre hjarto med kjærleiken din!
Oss lei gjennom verdi,
Ver ljoset på ferdi,
Lat alltid vårt auga din herlegdom sjå,
Så eingong av nåde me himmelen kan nå!