Kved opp

Kved opp. Guds folk, syng høgt i kor!
No er pinsehelg på jord. Guds
Ande kjem med heilag glod Kved opp,
Guds folk, med helgaljod!

Han til si kyrkje enno kjem
Som fordom i Jerusalem.
Han kjem uti sin heilagdom
Til alle som gjev honom rom.

Han stundom kjem i storm og eld,
Det ljonar gjennom kyrkje-tjeld.
Han kjem og i den stille Ijod,
Det leikar lint i hug og mod.

Då merkar hjarta mang ein gong
Som Ijoden av ein heilag song,
Så underleg ei toneferd
Som helsing frå ei høgre verd.

Kom, livsens Ande, døden driv!
Og fød i oss ditt eige liv!
Kveik opp din kjærleik i vår hug,
Og styrk oss med din eigen dug*

Vårt hjarta utan deg er daudt,
Som turre landet audt og snautt,
Som åre utan eld og glod, Som harpe utan mål og Ijod.

Kom ned med liv i aude land!
Kom ned med glod i slokna brann!
Kom ned som sol på frosne eng!
Kom ned som ijod på tagna streng!

Kom ned til oss med tunge ny,
Så lovsong stig frå bygd og by,
Til med ditt englekor ein gong
Me syngja skal den nye song!