Eg veit i himmerik ei borg
Bernt Støylen trad.
1
Eg veit i himmerik ei borg,
Ho skin som soli klåre,
Der er 'kje synder eller sorg,
Der er 'kje gråt og tåre.
2
Der inne bur Guds eigen
Son I herlegdom og æra,
Han er mi trøyst og trygge von,
Hjå honom eg skal vera.
3
Eg er ein fattig ferdamann,
Må mine vegar fara
Heifrå og til mitt fedreland,
Gud, meg på vegen vara!
4
Eg fattig hit til verdi kom
Og rann av ringe røter,
Fer herifrå med handi tom,
Og dødens vald meg møter.
5
Men visst eg veit ein morgon renn,
Då dødens natt skal enda.
Min lekam opp or gravi stend
Og evig fryd får kjenna.
6
Så hjelp oss du, vår Herre Krist,
Ditt blod for oss har runne!
Din beiske død har sant og visst
Oss himmelriket vunne.
7
Me takkar deg til evig tid,
Gud Fader, alle saman,
For du er oss så mild og blid
I Jesus Kristus! Amen.