Å Herre Krist, deg til oss vend
Wilhelm II av Sachsen-Weimar 1648, Bernt Støylen overs. 1902
1
Å Herre Krist, deg til oss vend,
Og Heilag-Anden din oss send,
Gjev liv og kraft i hjarta vårt,
Og vis oss sanningsvegen klårt!
2
Til lov og pros lat opp vår munn!
Så livsens ord i hjartegrunn!
Auk du vår tru, styrk vår forstand,
Så klårt ditt namn me kjenna kan.
3
Til me får syngja med din hær:
"Du heilag, heilag, heilag er!"
Og sæle ser di åsyn blid
I himmel-ljos til evig tid.
4
Lovsyng Gud Fader og Guds Son
Og Anden, all vår trøyst og von!
Treeinig Gud, i æva all
Deg lov og ære vera skal!