Jesus, din, ja

Jesus, din, ja, din å vera
Er min hugnad og mi æra,
Din i alt med liv og sjel!
Difor vil eg hugheilt strida
Og i dine fotfar skrida,:/:
Finna stridens time sæl.:/:

Ærekransen kan eg vinna,
Livsens krona kan eg finna
Berre der du sjølv er med.
Midt i alt som riv og sårar,
Midt i freistingar og fårar:/:
Hjarta då skal eiga fred.:/:

Under krossen vil eg treda
Og han bera stilt med gleda,
Krossen, Frelsar, som er din.
Går min veg i mørke dalar,
Til mitt mål i himmel-salar:/:
Fri og glad eg skodar inn.:/:

Skal eg sårt i trengsla lida,
Skal eg snart i døden strida,
Skal eg over stormfullt hav,
Som du vil, min Frelsar kjære.
Du min skjold og styrke vere,:/:
Trøyst meg med din hyrding-stav!:/:

Under nådens ljos og stråle
Lei du meg på veg til målet,
Mens eg ferdast her på jord!
Krossens stutte tid skal kverva,
Snart eg skal din himmel erva,:/:
Lova deg i englekor.:/: