Å, kome ditt rike

Å, kome ditt rike, ja Herre, vår
Gud, Lat koma på jorda ditt rike!
Send ut dine vitne i nord og i sud med frelsande bod utan like,
Å kalla og innby all verda!

I Ordet du lova i villmark ein vår
Då øydemark står lik ei lilje.
Vi lengtar deretter kvart gryande år,
Og er det din nådige vilje,
Snart kome den tid, Herre Jesus!

Velsigna dei vitne som gjekk i ditt namn
Og lytte opp Golgata-merket!
Din truskap lat vere ei vernande hamn.
Ja, gjer dei i farane sterke
Og hugsvala du deira hjarte!

Ver sjølv deira styrke, med kraft du dei kled,
Og lær dei med manndom å strida
Og så ut i vona den himmelske sæd,
Med tålmod på voksteren bia
Av deg som åleine gir grøde.

Og om dei lyt dogga ditt ord med sitt blod, -
Det vert ei useieleg æra, -
Så veks då ditt rike, du Fredsfyrste god,
Og så vil alt meir du oss læra
At nederlag ofte vert siger.

Så kastar vi, Frelsar, all suta på deg,
Du lova for allting å syrgja.
Kvar dag gå du med oss på livet sin veg.
Lat midt under striden oss byrja
Deg takka og lova for siger!