Kom, lat oss syngja
Lina Sandell 1864, Anders Hovden övers. 1927
1
Kom, lat oss syngja!
Syngja om Jesu nåd'!
Gamle og unge,
Syng om hans frelseråd,
Syng om hans kjærleiks dåd!
2
Endå hans æra
Høgt gjennom himlen når,
Ville han bera
Jordlivets tronge kår,
Sona for synda vår.
3
Villig så var han
Sjukdomen ta på seg,
Synda mi bar han,
Alt det som tyngde meg,
Opna meg livsens veg.
4
Blodige sveitte,
Tornar og kors og død
- Alt for å frelsa
Oss frå den store nød,
Ja frå ein evig død.
5
Alt for å vinna
Seg ei utkåra brud
Som kunne finna
Yndest og rom hos Gud,
Kledd i hans rettferds skrud.
6
Kom, lat oss syngja
Evig om denne venn,
Hjarta og tunga
Prisa hans kjærleik enn
Her og i himmelen!