Vår Herre Jesu minnefest
N.F.S. Grundtvig övers., Anders Hovden övers.
Vår Herre Jesu minnefest,
Den høgtid gled vårt hjarta mest.
Til minnet hans vår hug er vend,
Han levande iblant oss stend.
Min Jesus, ver min sterke arm,
Den løynde perla i min barm.
Ver du mi trøyst, ver du min fred,
Ver du mitt lys til sol går ned!
Du er vår hugnad her på jord,
Og livet i din kjærleik gror.
Eit lys som ingen sløkkja fær,
Eit tre som gode f'ruk- ter ber.
Du gjekk for oss din torneveg,
Du lærer oss å elska deg.
Og me fær kunnskap, evig sann
Om livsens lys og livsens land.
Syng ut i jubel for Guds Son,
Du gamle tru, du unge von!
Du kjærleik, evig ung og glad,
Syng ut i lov og takke- kvad!
I Jesu namn syng Jesu pris
I øydemark, i paradis,
Alt det som tunge har og røyst,
Og kvart eit hjarta han har løyst!
Halleluja for Herrens bord
I himmerik og her på jord!
Halleluja for han som kom
Og opna oss Guds heilagdom!