Alltid salig, om ei alltid glad

Alltid salig, om ei alltid glad,
Fer eg vegen heim til Sions stad. Om min
Frelsar syng eg alltid glad mitt kvad:
Han har gjort meg salig.

Alltid salig på Guds dyre ord,
Alltid får eg eta ved hans bord.
Å, det er ei lukka her på jord
Å få vera salig!

Alltid salig, trass eg mang ein gong
Misser motet når min veg er trong.
Endå syng eg glad min nye song:
Han har gjort meg salig.

Alltid salig òg når Satans hær
Freistar meg, og verda mot meg ler.
Når min Frelsar hjartans rikdom er,
Alltid er eg salig.

Alltid salig vil eg ikkje nå
Synda bort den tid du let meg få.
Gode Gud, når viljen din får rå,
Er eg alltid salig.

Alltid salig, for eg har nå fått
Himlens sæla til min arvelott.
Alt av nåde, Gud gjer allting godt.
Han har gjort meg salig.