Folkefrelsar, til oss kom
Ambrosius, Martin Luther transl., Bernt Støylen transl.
Folkefrelsar, til oss kom,
Fødd av møy i ar- modsdom!
Heile verdi undrast på
Kvi du såleis koma må.
Herrens under her me ser,
Ved Guds Ande dette skjer
Livsens ord frå himmerik
Vert i kjøt og blod oss lik.
Utan synd han boren er
Som all synd for verdi ber.
Han er både Gud og mann,
Alle folk han frelsa kan.
Frå Gud Fader kom han her,
Heim til Gud hans vegar her,
Ned han fór til helheims land,
Oppfór til Guds høgre hand.
Du som er Gud Fader lik,
Ver i vanmakt sigerrik!
Med din guddoms velde kom,
Styrk oss i vår armodsdom!
Klårt di krubbe skina kan,
Ljoset nytt i natti rann,
Naud og natt til ende er, Trui alltid Ijoset ser.
Lov og takk. du Herre kjær,
Som til verdi komen er!
Fader god og Ande blid,
Lov og takk til evig tid!