Gi oss no ei nådestund, vår Jesus

Gi oss no ei nådestund, vår Jesus,
Her vi samlast i ditt dyre namn,
Gjer oss stille, vakne for din Ande,
Drag oss alle til din opne famn!
Duk for oss som du det eingong gjorde
For ditt Israel ditt rike bord;
:/: Gi oss, Frelsar, alt du ser, vi trengjer
Av ditt dyre, sæle livsens ord! :/:

Gi oss no ei nådestund, vår Jesus,
Kjærleiksplassen Innved barmen din!
Gi oss trøyst og tukt,
La sannings-Anden reinsande i hjarto koma inn!
Vel du veit at vi kan inkje taka,
Einast får vi det som du oss giv;
:/: Å, så gi oss meir enn vi kan fata,
Barnekår hos Gud og evig liv! :/:

Gi oss no ei nådestund, vår Jesus,
La ditt livsens ord til hjarta gå!
Hjelp oss så vi kan ta betre vare
På dei sanningar du let oss få!
Lat opp skriftene for oss å lei oss
Djupt og meire djupt i ordet inn!
:/: Ja, vi legg det alt i dine hender,
Sigren, Herre Jesus, den vert din. :/: