Herre Kristus, frelsa kan Ditt folk or
1
Herre Kristus, frelsa kan
Ditt folk or naud på sjø og land
Og oss or redsla riva,
Du stiller stormen med di røyst,
Du gjev i fåren trygd og trøyst,
Du døden bort kan driva.
2
Når ingen hjelpa kan og vil,
Når storm og uver støyter til.
Når alle sund er stengde,
Gud, styr vår båt i brot og brann.
Og berg oss med di allmakts hand,
Som dødens portar sprengde!
3
Ja. frels oss før me under gjeng,
Og lyft oss som på ørneveng
Høgt over fall og fåre,
Og seg til oss: Kvi ottast du?
Haldt fast ved meg i von og tru,
Meg lyder storm og båre!