Min Jesus Krist, eg elskar deg
Hallgrímur Pétursson 1659, Anders Hovden transl. 1928
1
Min Jesus Krist, eg elskar deg,
Mi synd du ville bera.
All di fornedring lyfte meg,
Di skam er all mi æra.
Dei sår og slag som råka deg
Til himmels opp skal lyfta meg,
Din vil eg evig vera.
2
Så lenge hjarta i meg slær,
Din pris eg fram vil bera,
Og alt mitt liv og all mi ferd
Skal deg ein lovsong vera.
Deg vil eg prisa hjarteglad
I kvar ei stund, på kvar ein stad,
Hjelp meg det rett å gjera!