Stille, stille

Stille, stille! Jesus lider,
Blodet brenn, og sjeli kvider,
Det er fastetid!
Pinfullt er kvart steg han stiger,
Trøytt og sår han saman siger
I den store strid.

Bleik og blodut, spotta, slegen,
Gjeng han lydig pinslevegen
For den vonde verd.
Klungerkrynt han tolsam gjenger,
Nagla til ein kross han henger,
Medan verdi ler.

Understore guddoms-kjærleik,
Lat meg kjenna i din nærleik
Varmen av din eld!
Lat meg deg i hjarta hysa,
Så du kan på vegen lysa
Meg til siste kveld!